Viji's உலகம் "இது என்னுடைய உலகம் !"

Viji's உலகம்
உள்ளக் களித்தலும் காண மகிழ்தலும்
கள்ளுக்கில் காமத்திற் குண்டு. - குறள் 1281

நினைத்தவுடன் களிப்பக்கவும் பார்த்தவுடன் மகிழ்ச்சி கொள்ளவும் செய்யும் திறன் கள்ளுக்குக் கூட இல்லை. ஆனால் இந்தக் காமத்திற்கு உண்டு.

அனிச்சமும் அன்னத்தின் தூவியும் மாதர்
அடிக்கு நெருஞ்சிப் பழம். - குறள் 1120

மிகவும் மென்மையானது என்று சொல்லப்படும் அனிச்ச மலரும் அன்னத்தின் தூவியும் (தூவி - இறகு?), மாதர் பாதத்திற்கு முட்களையுடைய நெருஞ்சிப்பழம் போன்றதாகும்.

காணின் குவளை கவிழ்ந்து நிலன்நோக்கும்
மாணிழை கண்ணொவ்வேம் என்று. - குறள் 1114

இந்த அழகிய பெண்களைக் கண்டால் அழகிய குவளை மலரும் நாணித் தலை குனியுமாம், இப்பெண்ணின் கண்களுக்கு ஒப்பாக மாட்டோம் என்று.

கண்ணொடு கண்இணை நோக்கொக்கின் வாய்ச்சொற்கள்
என்ன பயனும் இல. - குறள் 1100

இருவருடைய கண்களும் பார்த்துக்கொள்ளும் போது பரிமாறிக் கொள்ளப்படும் உணர்ச்சிகளை விட வாய்ச்சொற்கள் எவ்வித பயனும் செய்து விட முடியாது.

கண்டார் உயிருண்ணும் தோற்றத்தால் பெண்டகைப்
பேதைக்கு அமர்த்தன கண். - குறள் 1084

இந்தப் பெண்ணின் கண்கள் மட்டும் கண்டவரின் உயிரினைத் தின்று விடும் போல் தோன்றுகிறதே.
posted by தேசாந்திரி at 9:53 AM